Флоран Малуда яна Европага қайтди (фото)

Франция терма жамоаси собиқ ярим ҳимоячиси Флоран Малуда фаолиятини Люксембургда давом эттирадиган бўлди.

Берилган маълумотларга кўра 37 ёшли футболчи “Дифферданж” клуби билан шартнома имзолаган. Таъкидлаш керакки, ушбу жамоа айни дамда Люксембург олий лигасида 7-ўринни эгаллаб турибди.

Эслатиб ўтамиз, Малуданинг сўнгги тўп сурган жамоаси Хиндистоннинг “Дели Динамос” клуби бўлган эди. У ушбу клубни ўтган йилнинг ёзида тарк этган.

Маълумот учун, Малуда ўз вақтида “Лион” ҳамда “Челси” каби машҳур клублар сафида тўп сурган.