ФР: Пенальтилардан энг кўп азият чеккан жамоа қайси?

Ўзбек футболига оид қизиқарли статистикаларни келтиришда давом этамиз. Бугун нишонимизда 11 метрли жарима зарбалари бўлади.

Суперлигада мавсум бошидан бери 56та ўйин ўтказилди. Бу баҳсларда ҳакамлар 29 бор пенальти нуқтасига ишора қилишган. Улардан 21таси голга айланди. Энг кўп пенальти белгилаган рефери Фирдавс Норсафаров ҳисобланади (5 марта).

11 метрли жарималардан энг кўп фойдаланган футболчи Драган Черан бўлиб турибди (4 марта).

"Навбаҳор", "Насаф" ва "Пахтакор" бу йил ҳаммадан кўпроқ пенальти тепишди (4 мартадан). "Қизилқум" эса 8 ўйиндан кейин пенальти тепмаган ягона жамоа бўлиб турибди.

11 метрли жарима зарбаларидан энг кўп азият чеккан жамоа эса "Пахтакор" ҳисобланади. Йил бошидан бери "шерлар" дарвозаси томон 6та пенальти тепилди. "Навбаҳор", "Олимпик" ва "Бухоро" жамоаларининг зарарига эса бирорта пенальти белгилангани йўқ.

Дарвозабонлардан фақатгина Суҳроб Султонов 11 метрли дуэлларда хато қилгани йўқ.

Фахриддин Рўзиев