Кейн 2017 йилдаги 53-голини киритди, у Мессидан ўтиб кетиши мумкин

Лондоннинг “Тоттенхэм” клуби ҳужумчиси Харри Кейн кеча бўлиб ўтган АПЛнинг 19-турида “Бёрнли” дарвозасига 3та тўп киритди.

Премьер-лигада бир йилда 36та гол киритиб Алан Ширернинг рекордини такрорлаган Кейн 2017 йилдаги голлари сонини 53тага етказиб олди.

Эътиборлиси, 24 ёшли форвард бу кўрсатгич борасида 53тадан гол киритган Криштиану Роналду («Реал»), Эдинсон Кавани («ПСЖ») ва Роберт Левандовски («Бавария») каби футболчиларга етиб олди. Кечаги “эл-класико”да гол киритган Лионель Месси (“Барселона”) ҳисобида эса 54та гол мавжуд.

Аммо, Харри Кейнда Мессини ортда қолдириш имконияти мавжуд. Боиси, 26 декабрь куни “шпорлар” “Саутгемптон”га қарши баҳс олиб боришади.