Marselo yana erkin agentga aylanadi

Marselo yana erkin agentga aylanishi mumkin. “Olimpiakos” u bilan shartnomani bekor qilmoqchi. U klub bosh murabbiyi rejalariga kirmaydi, deya xabar bermoqda “Marca” nashri. Bitimga ko‘ra, himoyachi klub bilan 2023 yilning oxirigacha qolishi kerak edi. Braziliyalik ushbu mavsum barcha chempionatlarda 5 ta o‘yinda maydonga tushirildi.

Futbolchi Ispaniyaga qaytishi mumkin. Uning “Xetafe”ga o‘tishi haqida mish-mishlar paydo bo‘lmoqda.

O‘tgan mavsum yakunlangach, Marseloning “Real” bilan shartnomasi tugadi. himoyachi jamoada qolmadi va shartnomasini uzaytirmay, klubni tark etdi. Eslatib o‘tamiz, Sentyabr oyida “Olimpiakos”ga erkin agent sifatida kelib qo‘shilgandi.