Мейвезер:"Муҳаммад Али мендан устун эмас"

 Бешта вазн тоифасида собиқ жаҳон чемпиони, ҳозирда “Шон-шараф зали” аъзоси, мағлубиятга учрамаган америкалик афсонавий Флойд Мейвезер профессионал боксдаги мақоми ҳақида гапирди.

“Аслида мен ҳамон бокснинг юзиман. "Мен Шугар Рэй Робинсон, Муҳаммад Али ва Рей Леонард каби йигитларга ўз миннатдорчилигимни билдирмоқчиман, жуда кўп йигитлар менга йўл очиб беришди, аммо Флойд Мейвезер фақат битта ва бу жангчилар мендан яхшироқ эмас", - деди Мейвезер "The Pivot Podcast" You Tube каналига берган интервьюсида.

Эслатиб ўтамиз, Мейвезер 2017 йилда спортни тарк этганди. У жами 50 та жанг ўтказган (27 таси нокаут билан) ва бирор марта ҳам мағлубиятга учрамаган.