Олимпия терма жамоаси Японияга қарши ўйинга тайёргарликни бошлади

Ўзбекистон олимпия терма жамоаси Япония олимпия термасига қарши ОЧ чорак финал учрашувига тайёргарликни бошлади.

Бугун, терма жамоа эрталаб тренажер залида машғулот ўтказди ва футболчиларнинг жисмоний ҳолатини яхшилаш учун бир қатор ишлар қилинди.

Олимпия терма жамоаси мураббийлар штаби футболчилар ушбу учрашувга яхши тайёгарлик кўришлари керак эканини таъкидлади. Терма жамоа футболчилари шунингдек, ҳар куни тиббий кўрикдан ўтказилади ва бу борада терма жамоа мураббийларига ҳисобот топширишади.

Таъкидлаш лозим, Уммонга қарши учрашувда жиддий жароҳат олган Ҳожиакбар Алижоновнинг чорак финалда майдонга тушиши сўроқ остида. Футболчи айни дамда тиббий кўрикдан ўтмоқда.