Олунга Ла Лигада хет-трик қайд этган илк кениялик футболчига айланди

Каталониянинг “Жирона” клуби ҳужумчиси Майкл Олунга бугун Испания Ла Лигасининг 19-турида бўлиб ўтган “Лас-Пальмас”га (6:0) қарши баҳсда ўз ҳисобига хет-трик ёздириб қўйишга эришди.

Эътиборлиси, иккинчи бўлимда заҳирадан майдонга туширилган 23 ёшли футболчи 23 дақиқа ичида рақиблари дарвозасини уч марта ишғол этишга эришди. Шу тариқа Олунга Ла Лигада хет-трик қайд этган илк кениялик футболчига айланди.

Таъкидлаш лозимки, у ҳуқуқий жиҳатдан асли Хитойнинг “Гуйчжоу Чжичэн” клубига тегишли. У мавсумни “Жирона” сафида ижара асосида ўтказмоқда.