Pirs Morgan Zinchenko haqida zo‘r gap aytdi
Ronaldu bilan uyushtirgan intervyusi orqali tanilgan jurnalist Pirs Morgan "Arsenal" himoyachisi Oleksandr Zinchenkoning o‘yinini yuqori baholadi.
London klubiga muxlislik qiluvchi jurnalistga ko‘ra, ukrainalik futbolchi Premer-ligada mavsumning eng yaxshi o‘yinchisi bo‘lishi mumkin.
"Uning "Everton"ga qarshi o‘yindagi issiqlik xaritasi aqldan ozdiradigan darajada edi. Zinchenko aslida chap qanot himoyasida o‘ynaydi, lekin u o‘sha kuni hamma joyda paydo bo‘ldi.
Ilgari "Arsenal"ning asosiy tarkibida bo‘shliqlar bo‘lardi, ularni hozir ko‘rmayapman", - dedi Morgan.
Eslatib o‘tamiz, Zinchenko joriy mavsum APLda 18 ta o‘yin o‘tkazib, 1 ta gol urdi va 2 ta golli uzatmaga mualliflik qildi. “Arsenal” esa 60 ochko bilan turnir jadvalida peshqadamlik qilmoqda.
Fikrlar