Қайси жамоалар муддатидан олдин “Евро-2024”га чиқди!

2024 йилнинг 14 июнь - 14 июль кунлари Германия футбол бўйича Европа чемпионатига мезбонлик қилади.

Ҳозирдан “Евро-2024” финал босқичида қатнашадиган жамоалар номи аниқ бўлиб бормоқда. Қоидага кўра, ўнта гуруҳдан иккитадан жамоа финал босқичига йўл олади. Улар қаторига Миллатлар лигасидан учта мамлакат терма жамоаси ва мезбон – Германия қўшилади.

Бугунги кунга келиб, мезбонлардан ташқари яна бир неча терма жамоа Европа чемпионати йўлланмасини қўлга киритди.

Саралаш турнирида қатнашаётган терма жамоалардан биринчи бўлиб, Франция, Португалия ва Бельгия муддатидан олдин йўлланмаган эга бўлган эди.

Энди омадли терма жамоалар қаторига Испания, Шотландия ва Туркия футболчилари қўшилди. Саралаш босқичи давом этади.