"Qo‘qon-1912" o‘tgan yilgi natijasini takrorlaydimi?
Superliga 10-tur doirasidan o‘rin olgan “Lokomotiv” - “Qo‘qon-1912” uchrashuvi 20 iyun kuni Toshkent shahrida bo‘lib o‘tadi. Mazkur bahs oldidan “Qo‘qon-1912” matbuot xizmati jamoalarning o‘zaro o‘yinlardagi statistik ma’lumotlarini havola etdi.
O‘zaro o‘yinlar
Ushbu jamoalar shu paytga qadar chempionat doirasida 12 marta to‘qnash kelishgan.
“Lokomotiv” o‘yinlarning 6 tasida zafar quchgan, 5 ta bahsda durang qayd etilgan. Bitta uchrashuvda qo‘qonliklarning qo‘li baland kelgan. Aynan o‘tgan yili Toshkentdagi uchrashuvda "Qo‘qon-1912" jamoasining qo‘li baland kelgandi. Qiziq, bu safar ham jamoa o‘tgan yilgi natijasini takrorlay olarmikin?
To‘plar nisbati – 22:11, “Loko” foydasiga. O‘zaro o‘yinlarda “Temiryo‘lchilar” 23 ochkoni qo‘lga kiritishgan. “Qo‘qon-1912”ning ochkosi 8 tani tashkil etadi.
Jamoalarning so‘nggi oltita uchrashuvida qayd etilgan natijalar:
25.11.2020. Qo‘qon-1912 – Lokomotiv - 0:1
21.08.2020. Lokomotiv – Qo‘qon-1912 - 1:2
20.09.2019. Qo‘qon-1912 – Lokomotiv - 1:1
02.05.2019. Lokomotiv – Qo‘qon-1912 - 2:2
09.07.2018. Qo‘qon-1912 – Lokomotiv - 1:2
07.04.2018. Lokomotiv – Qo‘qon-1912 - 1:1
Hakamlar
O‘zbekiston professional futbol ligasi Superligasining 10-turida ishlaydigan rasmiy shaxslar ro‘yxatini e’lon qildi. Unga ko‘ra Toshkent shahrida bo‘lib o‘tadigan "Lokomotiv" - "Qo‘qon-1912" jamoalari o‘rtasidagi bahsni Firdavs Norsafarov boshchiligidagi xakamlar guruhi boshqarib borishadi. Norsafarov bu yilgi mavsumda jamoamiz ishtirokidagi o‘yinda ilk marta ishlaydi. Bundan tashqari, ushbu o‘yinda hakamlar VAR tizimidan ham foydalanishadi.
10-tur
20 iyun, yakshanba
LOKOMOTIV – QO‘QON-1912
Hakamlar: Firdavs Norsafarov, Abduhamidullo Rasulov, Jahongir Saidov, Rustam Choriev
Nazoratchi: Marat Ismoilov
VAR hakami: Akobirxo‘ja Shukurullaev
VAR assistent: Timur Galeev
VAR nazoratchi: Valentin Kovalenko
Operator: Sherali Jonaliev
Komissar: Shohruh Said.
Fikrlar