"Real"da jarohatlar mavsumi! Navbat Bellingemga etib keldi

"Real"da jarohat olib, safdan chiqayotgan futbolchilar soni ortib bormoqda. Navbat Jud Bellingemga ham etib keldi. 

"Qaymoqranglilar" rasmiy sahifasi orqali yarim himoyachining elkasidan jarohat olganini tasdiqladi. U ikki hafta maydonga tusha olmasligi borasida mish-mishlar tarqalyapti. Oldinroq, Arda Gyuler safdan chiqqan edi. 

Bellingem "Real" tarkibiga yozda kelib qo‘shilgan bo‘lib, ushbu mavsum jamoaning eng muhim futbolchilaridan biriga aylanib oldi. U yangi klubida14 ta o‘yinda maydonga tushib, 13 ta gol urdi va 3 ta assist amalga oshirdi.