"Реал"да "янги Азар" пайдо бўлдими ёхуд Гюлер яна сафдан чиқди!

Ёзда "Реал" таркибига келиб қўшилган Арда Гюлер жароҳатлардан боши чиқмай қолди. Футболчи яна сафдан чиққани маълум бўлмоқда. Бу ҳақда Карло Анчелотти матбуот анжуманида гапирди:

"Арда "Брага"га қарши ўйин олдидан кичик жароҳат олган. Аммо бу ташвишли эмас", - деди италиялик мутахассис. 

"The Athletic" нашри эса Ардани 1 ой давомида майдонга туша олмаслигини таъкидламоқда. У жамоа билан машғулотларда иштирок этмаяпти. 

Эслатиб ўтамиз, Гюлер "Брага" билан бўлиб ўтган учрашувда дебютини амалга ошириши кутилган, лекин Карло уни ҳали 100 фоиз тайёр эмаслигини айтганди.