Роналду "Реал"нинг декабрь ойидаги энг яхши футболчиси деб топилди

Мадриднинг “Реал” клуби ҳужумчиси Криштиану Роналду жамоанинг декабрь ойидаги энг яхши футболчиси деб топилди.

Ижтимоий тармоқларда клуб мухлислари ўртасида ўтказилган сўровномада айнан португалиялик футболчи ҳаммадан кўп овоз тўплаган.

Маълумот учун, Роналду ўтган ой жами 6та учрашувда майдонга тушиб, ўз ҳисобига 5та гол ёздириб қўйишга эришган. Эътиборлиси, унинг клублар ўртасидаги жаҳон чемпионати финалида киритган голи “Реал”га чемпионликни тақдим этган эди.