Сардор Рашидовнинг голи жамоасини мағлубиятдан сақлаб қола олмади
Бугун БААда мамлакат Лига кубоги турнирининг 4-туридан ўрин олган қолдирилган баҳс бўлиб ўтди.
Ҳамюртимиз Сардор Рашидов тўп сурадиган “Ал-Жазира” клуби ўз майдонида “Хатта”ни қабул қилди.
Ушбу ўйинда меҳмонлар 2:1 ҳисобида ғалаба эришдилар. 27-дақиқада Самуел меҳмонларни ҳисобда олдинга олиб чиқди.
62-дақиқада заҳирадан майдонга тушган Сардор Рашидов 90-дақиқада мувозанатни тиклади.
Бироқ учрашувга ҳакам томонидан қўшиб берилган дақиқаларда меҳмонлар гол киритиб, ғалабани илиб кетишди.
БАА Лига кубоги. 4-тур
“Ал-Жазира” – “Хатта” 1:2
Голлар: Сардор Рашидов (90) – Самуел (27), Али Дарвиш Ал-Хажа (90+6).
Фикрлар