"Сток Сити"га янги бош мураббий тайинланди

Шотландиялик мутахассис Пол Ламберт "Сток Сити" клуби бош мураббийи этиб тайинланди.

Клуб расмий сайтининг маълум қилишича жамоа раҳбарияти 48 ёшли мураббий билан 2,5 йиллик шартнома имзолаган. Эслатиб ўтиш лозимки, ушбу лавозимда у жорий ой истеъфога чиқарилган Марк Хьюзнинг ўрнини эгаллайди.

Маълумот учун, “Сток Сити” Англия премьер-лигасининг ўтган 22та тур якунларига кўра 20 очко тўплаган ҳолда 18-ўринда бормоқда.