"Ювентус" ёзда Ўзилни текинга қўлга киритмоқчи

Лондоннинг “Арсенал” клуби ярим ҳимоячиси Месут Ўзил “Ювентус”нинг қизиқишларига сабаб бўлмоқда.

Corriere dello Sport нашри тарқатган хабарга қараганда туринликлар 29 ёшли германиялик футболчини уч йил давомида кузатиб келишди. Агар Ўзил ёзда “Манчестер Юнайтед”га ўтиб кетмаса, “Ювентус” уни ўз сафига қўшиб олишга ҳаракат қилади.

Эслатиб ўтамиз, Германия терма жамоаси аъзосининг “канонирлар” билан амалдаги шартномаси жорий мавсум сўнггида ўз ниҳоясига етади. У ушбу келишувни узайтиришдан бош тортди ва ёза эркин агентга айланади.