Ulug‘bek Rashidov jahon chempionatida shohsupaga ko‘tarildi
Tunisning Hammamet shahrida davom etayotgan o‘smirlar o‘rtasidagi jahon chempionatining ikkinchi kunida Ulug‘bek Rashitov bronza medaln qo‘lga kiritdi.
Chempionatning ikkinchi kunida o‘g‘il bolalar -51 va -55 kg vazn toifalarida bahslashgan bo‘lsa, qizlar -46 va 49 kg vaznda g‘oliblar nomi aniqlandi.
-51 kg da yurtimiz sharafini himoya qilgan Ulug‘bek Rashitov yarim finalgacha bir-biridan qiziqarli janglarni o‘tkazib, raqiblarini yirik hisobda engishning uddasidan chiqdi.
U braziliyalik Gabriel Alves (25:5), malayziyalik Imon Firdavs Nasriddin (25:7), nimchorak finalda gretsiyalik Dikaios Michalakakos (25:13), chorak finalda esa rossiyalik Anatoliy Iarinni (18:8) mag‘lub etdi va yarim final yo‘llanmasini qo‘lga kiritdi.
Final uchun kurashda eronlik Amir Valipurga kichik – 11:17 hisobida imkoniyatni boy berdi va bronza medali bilan chegaralandi. Eronlik ushbu sportchi finalda ozarbayjonlik Xono‘g‘lon Karimovdan ustun kelib, oltin medal sohibiga aylandi.
Eslatib o‘tamiz, chempionatning birinchi kuni -45 kg vaznli sportchimiz Amirbek To‘raev kumush medal sovrindori bo‘lgan edi.
Fikrlar