Новак Жокович финалга чиқди

Сербиялик теннисчи Новак Жокович "Уимблдон" турнирининг ярим финалида испаниялик Роберто Баутиста-Агутга қарши кортга чиқди.

Кескин ва муросасиз ўтган ўйинда Жокович рақибини 6:2, 4:6, 6:3, 6:2 ҳисобида мағлуб этди ва финалга йўлланмасини қўлга киритди.

Энди Новак чемпионатнинг финал баҳсида испаниялик Рафаэль Надаль ва швейцариялик Рожер Федерер ўртасидаги ўйин ғолибига қарши кортга чиқади.