“Manchester Yunayted”ga Rakitich kerak, ammo...

Angliyaning “Manchester Yunayted” klubi rahbariyati jamoa tarkibini yanada kuchaytirish borasida bosh qotirmoqda.  Mankuanliklar bosh murabbiyi Joze Mourino jamoaning markaziy chizig‘ida 28 yoshli xorvatiyalik futbolchi – Ivan Rakitichni ko‘rishni xohlamoqda. Bu haqda The Sun nashriga tayanib goal.com sayti xabar bermoqda.

Ma’lumot uchun, Ivan Rakitichning “Barselona” bilan amaldagi shartnomasi 2019 yilga qadar imzolangan. Shunday ekan, “MYu” futbolchini qo‘lga kiritishi uchun katta mablag‘ sarflashiga to‘g‘ri keladi. Biroq, kataloniyaliklarning ham Rakitichni qo‘yib yuborish niyatida emas. Tez orada “Barselona” xorvatiyalik futbolchisi bilan amaldagi shartnomani uzaytirishi kutilmoqda.