250 million evroga APLning uch yulduzini olamiz!

Saudiya Arabistonining eng qudratli klublari yozgi transferlar davrida Evropada porlayotgan o‘yinchilarni o‘z chempionatlariga olib ketishga harakat qiladi.

Bir necha manbalarning yozishicha, “Al-Hilol” va “Al-Ahli” tarkibini kuchaytirish maqsadida Angliya Premer-ligasidan uch nafar futbolchini transfer qilish uchun umumiy hisobda 250 million evro miqdorida pul sarflashga tayyor.

“Al-Hilol”ning yozdagi asosiy nishoni Yuri Tilemans bo‘ladi. “Aston Villa”da o‘ynayotgan belgiyalik yarim himoyachini olish uchun shayxlar 45 million evro tikishni mo‘ljallayapti.

Bundan tashqari, “Al-Hilol” rahbarlari “Nyukasl”dan Brunu Gimaraynshni olib ketmoqchi. Arablar bu transfer o‘ta qiyinligiga qaramay, braziliyalik o‘yinchi uchun rekord summa – 140 million evro xarajat qilishga rozi bo‘lgan.

“Al-Ahli” esa, e’tiborini “Manchester Yunayted” sardori Brunu Fernandeshga qaratdi. Ular portugaliyalik o‘yinchi uchun Angliya klubiga 65 million evro taklif qilyapti.

Ekspertlarning ta’kidlashicha, “Al-Hilol” va “Al-Ahli” rejalashtirilgan transferlarni amalga oshira olsa, bu uch futbolchining kelishi Saudiya Arabistoni professional ligasi imijini yangi bosqichga ko‘taradi.