59 нафар мухлис ҳибсга олинди

ПСЖнинг 59 нафар фаол мухлиси Германиянинг Штутгарт шаҳрида маҳаллий полиция томонидан ҳибсга олинди. Бу ҳақда "L'equipe" нашри хабар берди.

Парижлик мухлислар ўзларини беодобларча тутиб, маҳаллий аҳоли ва рақиб жамоа ишқибозлари билан бир неча бор тўқнашувларга сабаб бўлди.

Маълумотларга кўра, учрашувга ПСЖнинг 3300 нафар мухлиси ташриф буюриши кутилмоқда. Ҳар иккала жамоа ҳам еттита ўйиндан кейин ўн очкодан тўплаган. ПСЖ турнир жадвалида 22-ўринни, "Штутгарт" эса 24-ўринни эгаллаб турибди.

Эслатиб ўтамиз, "Штутгарт" Чемпионлар лигасининг умумий босқичи доирасида ПСЖ билан тўқнаш келади.