Эмери Неймарнинг Парижга қачон қайтишига ойдинлик киритди

ПСЖ бош мураббийи Унаи Эмери хужумчи Неймарнинг жароҳатидан тикланиши ва Парижга қачон қайтиши ҳақида ўз фикрини билдириб ўтди.

Хозирда футболчи Бразилияда ўнг оёғи устидан  ўтқазилган жароҳлик амалиётидан сўнг тикланяпти. Агар ПСЖ Франция кубогининг финалига йўлланмани қўлга киритса катта эҳтимол билан Неймар ушбу учрашувда иштирок этиши мумкин. Эслатиб ўтамиз мазкур баҳс 8 май куни бўлиб ўтади.

- Неймар билан куни-кеча гаплашгандим. Биз келажакдаги финал учрашув ҳақида суҳбат олиб бордик. Шуни айтишим жоизки, уни 2-3 ҳафтадан сўнг Парижда тиббий кўрикдан ўтқазишади, - дейди Эмери.