Фабио Фоньини Лос-Кабосда чемпион бўлди

Итальялик Фабио Фоньини Лос-Кабос шаҳрида ўтган "Abierto Mexicano de Tenis Mife" турнирида барча рақибларини мағлубиятга учратиб, бош совринни қўлга киритди.

Фабио мусобақанинг финал учрашувида аргентиналик Хуан Мартин Дель Потрога қарши кортга чиқди ва рақибини 6:4, 6:2 ҳисобида таслим қилди.

Фоньинига мазкур ғалаба 250 рейтин очкоси ва 127,635 АҚШ доллари пул мукофотини келтирди.