Жасур Аҳмаджонов 9 сентябрда рингга кўтарилади

Филиппиннинг Жанубий Котабато вилоятида 9 сентябрь куни профессионал бокс кечаси ўтказилишидан хабарингиз бор.

Мазкур мусобақада ҳамюртимиз Жасур Аҳмаджонов (6-0-1) филиппинлик Нелсон Тинампайга (12-7-1) қарши рингга кўтарилади.

Шунингдек, ёш боксчимиз Бекзод Турсунбоев (1-0-0) ўзининг иккинчи жангида яна бир мезбон спортчиси Рян Маано (3-8-2) билан беллашади.

Эслатиб ўтамиз, Жасур ва Бекзоддан ташқари мусобақада истеъдодли боксчимиз Улуғбек Собиров ҳам рингга кўтарилади.