Rafael Nadal besh soatlik bellashuvda g‘olib bo‘ldi

Ispaniyalik Rafael Nadal uchun Amerika ochiq chempionatining yarim final bosqichiga chiqish oson bo‘lmadi.

Nyu-York shahrida o‘tayotgan "US Open" turnirining chorak finalida Rafael avstriyalik Dominik Tim bilan raqobatlashdi. Ushbu uchrashuvda Nadal raqibini 0:6, 6:4, 7:5, 6:7, 7:6 hisobida mag‘lubiyatga uchratdi.

Shu tariqa g‘alabaga erishgan dunyoning birinchi raqamli tennischisi "Katta dubulg‘a" turkumiga kiruvchi musobaqaning yarim finalida argentinalik Xuan Martin Del Potroga qarshi kortga chiqadi.