Раҳима Йўлдошева россиялик рақибасини енголмади

Пойтахтимизда ўтказилаётган дзюдо бўйича Тошкент Гран-приси баҳсларининг сўнгги куни ҳам ўзининг ҳал қилувчи палласига яқинлашмоқда.

Айни пайтда аёллар ўртасида +78 кг вазн тоифасидаги спортчилар медаллар учун татамига кўтарилишмоқда. Ушбу вазн тоифасининг бронза медали учун ўтказилган баҳсда ҳамюртимиз Раҳима Йўлдошева россиялик Анжела Гспарянга қарши баҳс олиб борди.

Қизиқарли кечган баҳсда спортчимиз рақиби устидан иппон баҳоси эвазига имкониятни бой бериб қўйди.