Симона Халеп: Мендан кучли теннисчи йўқ!

Руминиялик теннисчи Симона Халеп Австралия очиқ чемпионатининг финал учрашувидан нималар кутаётгани ҳақида гапириб ўтди.

"Бироз толиқган бўлсам-да, ўзимни яхши ҳис этмоқдаман. Мен ҳеч қандай босимни сезмаяпман. Мен ҳаттоки ҳеч нарсани ўйламай, ухлай олдим. Энди коптокни ҳис қилиш машғулотини бошлайман. Диққатимни жамлашим керак, бу ўйин олдидан энг муҳим ишдир.

Менда финал ҳақидаги фикрлар аввалгидек:  керакли ўйин, муҳим соврин. Лекин, мен ушбу баҳсни, оддий ўйин деб ўйлашга ҳаракат қилмоқдаман. Агарда ғалаба қозонсам яхши бўлади. Бироқ мағлуб бўлсам, янада кўпроқ ишлайман.

“Ролан Гаррос”даги финалдан кўра ҳозирда тажовузкорроқ ўйин намойиш этмоқдаман. Ўшанда барча мени, очиқ ўйин намойиш этмайди ва хавфли вазиятлардан қўрқади деб гапирган эди. Лекин мен Парижда бор имкониятимни ишга солган эдим. Бироқ, ҳозир ҳаммаси бошқача. Мен мағлуб бўлишдан қўрқмайман. Лекин мен фақат ғалаба қозонишни ўйлайман. Мендан кучли теннисчи йўқ ва мен қаерда қандай натижани қўлга киритишни ўзим ҳал қиламан", - дейди Симона. 

Sports.uz