Umidjon baribir shohsupani zabt etdi
Erkin kurash bo‘yicha Hindistondagi Osiyo chempionatida 86 kilogramm vazn toifasida gilamga chiqqan Umidjon Ismanov bronza medalga sazovor bo‘ldi.
Iste’dodli polvonimiz dastlabki ikki uchrashuvda kambodjalik Vitu Xeng, Xitoy Taypeyi vakili Shao-Ven Vangni mag‘lubiyatga uchratgan bo‘lsa-da, yarim finalda qozog‘istonlik Azamat Dauletbekovga bir ochko farqi bilan yutqazib qo‘ygandi.
Umidjon Ismanov bronza medal uchun bo‘ladigan bahsda turkmanistonlik Ashot Mashuryan bilan bellashdi. Uchrashuvda 6:1 hisobida zafar quchgan hamyurtimiz terma jamoamiz hisobiga bronza medal qo‘shdi.
Fikrlar