Адейеми "Боруссия"дан "Барселона"га ўтди

Германия терма жамоаси ҳужумчиси Карим Адейеми расман "Барселона" сафига ўтди. У дортмундлик "Боруссия"дан Испания чемпиони таркибига қўшилди.

"Барселона" расмий сайтида берилган маълумотга кўра, 24 ёшли футболчи билан тузилган шартнома 2031 йилга қадар мўлжалланган.

Маълумотларга қараганда, каталонияликлар бу трансфер учун "Боруссия"га 22 миллион евро тўлайди, шартномада яна 7 миллион евро миқдорида бонуслар ҳам кўзда тутилган. Бу ҳақда спорт журналисти Фабрицио Романо ижтимоий тармоқда хабар берди.

Карим Адейеми ўтган мавсумда "Боруссия" таркибида 39 ўйинда майдонга тушиб, 10 та гол урди. Германия терма жамоаси сафида эса 11 та учрашувда иштирок этган ва бир бор рақиб дарвозасини ишғол этган.