Африка Миллатлар кубоги. Тунис Танзания билан дуранг ўйнади, Нигерия эса Угандани мағлуб этди

Африка Миллатлар кубогининг 3-турида Тунис терма жамоаси Танзания билан 1:1 ҳисобидаги дурангга имзо чекди. 
 
Нигерия терма жамоаси эса 10 киши бўлиб қолган Угандани 3:1 ҳисобида мағлуб этиб, гуруҳни 100 фоизлик натижа билан якунлади. 
 
Эслатиб ўтамиз, "C" гуруҳида Нигерия 9 очко билан етакчи. Тунисда 4, Танзаниада эса 2 очко мавжуд. Уганда терма жамоаси эса 1 очко қўлга киритган ҳолда, турнир билан хайрлашди.