Aguero gol urmagan bir jamoa qoldi

"Manchester Siti" hujumchisi Serxio Aguero Angliya premer ligasida ishtirok etgan 30 ta jamoadan 29 tasining darvozasini ishg‘ol qildi.

 

Argentinalik hujumchi bu natijaga Angliya chempionatining 13-turida "Byornli" darvozasiga g‘alaba to‘pini kiritgach erishdi.

 

28-yoshli argentinalik to‘purarning gollaridan omon qolgan yagona jamoa "Bolton" hisoblanadi. Serxio faqat shu jamoa darvozasiga yo‘l topa olmagan. Bu argentinalik futbolchiga armon bo‘lib qoladi. Chunki "Bolton" to‘rt yil avval premer-ligani tark etgan va ayni paytda uchinchi divizionda o‘ynamoqda va yaqin yillar ichida premer-ligaga qaytolmaydi.

 

Aguero "Manchester Siti" klubida 2011 yildan buyon to‘p surmoqda.