«Ал-Аҳли» Кессини қайтариб олиши мумкин

Саудия Арабистонининг «Ал-Аҳли» клуби ярим ҳимоячи Франк Кессини жамоага қайта олиб келиш имкониятини кўриб чиқмоқда. Бу ҳақда спорт журналисти Руди Галетти хабар берди.

Манба маълумотига кўра, жамоа раҳбарияти Кессини расман кетгани эълон қилинганидан ортидан орадан фақат бир неча ҳафта ўтишига қарамай, уни яна таклиф этиш масаласини ўрганаётгани айтилмоқда. Шу билан бирга, клуб ичида бу ғояни қўллаб-қувватламайдиганлар ҳам борлиги қайд этилган.

Франк Кесси «Ал-Аҳли» сафида 2023 йилдан 2026 йилгача тўп сурган. Ушбу давр мобайнида 29 ёшли ярим ҳимоячи 119 та учрашувда майдонга тушиб, 26 та гол урган ва 14 та голли узатма муаллифига айланган.

Аввалроқ Кессининг хизматларига Туриннинг «Ювентус» клуби ҳам қизиқиш билдиргани ҳақида маълум қилинган эди.