Альвареснинг навбатдаги рақиби маълум!

Супер ўрта вазн(76,2 кг) тоифасида мутлақ жаҳон чемпиони Сауль Альварес яқин орада навбатдаги жангини эълон қилиши ҳақида маълумот пайдо бўлганди. Дарҳол бир қанча манбалар "Канело"нинг рақиби унинг ҳамюрти Хайме Мунгия бўлишини даъво қила бошлади. Бироқ, кейинчалик маълум бўлишича, бу маълумот ҳақиқат бўлиб чиқмади. Саульнинг рақиби америкалик боксчи бўлади.

"Альвареснинг навбатдаги жанг санаси ва ўтказилиш жойи аллақачон маълум, бироқ тўрт дивизион чемпиони мексикалик билан эмас, балки америкалик билан тўқнаш келишини ҳам таъкидлаб ўтди", - деб ёзади BoxingScene Альвареснинг TV Azteca телеканалига берган интервьюсига таяниб.

Эслатиб ўтамиз, Сауль Альварес(60-2-2, 39 KO) ўзининг сўнгги жангида Жермел Чарло(35-2-1, 19 KO) устидан ҳакамларнинг якдил қарорига кўра ғалаба қозонган эди.