Альварез Мессини ортда қолдирди

"Атлетико Мадрид" етакчиси Хулиан Альварес гол уриш бўйича ватандоши Лионел Мессидан ўзиб кетти.

Гап шундаки, 25 ёшли форвард УЕФА Чемпионлар лигасининг 4-туридан ўрин олган баҳсда Бельгиянинг "Юнион" жамоаси дарвозасига тўп киритди. Ушбу голдан сўнг футболчи Чемпионлар лигасида дастлабки 30 та учрашувда энг кўп гол урган аргентиналик футболчига айланди. Бу гол унинг ЕЧЛдаги 17-голи эди. Таққослаш учун, Лионель Месси илк 30 ўйинида 16 та, Серхио Агуэро 14 та, Эрнан Креспо ва Лаутаро Мартинес эса 13 тадан гол урган. Ҳозирда "матрасчилар" Чемпионлар лигасида 4 та ўйинда 6 очко жамғариб, турнир жадвалининг 17-поғонасини банд этиб турибди.

Маълумот учун, "Spider-man" жорий мавсумда барча турнирларда умумий 15 та учрашувда майдонга тушиб, 9 та гол урди ва 4 голли узатмани амалга оширди.