Амалдаги UFC чемпиони камаридан воз кечмоқчи

Амалдаги UFC чемпиони Шон Стриклэнд промоушендаги молиявий сиёсатга нисбатан норозилик билдириб, зарурат туғилса чемпионлик камарини ҳам бўшатишга тайёр эканини маълум қилди.

"Ростини айтсам, UFC нинг бу тизимидан жуда чарчадим. Конор Макгрегор ўттиз сония жанг қилиб, ўттиз миллион олди, бизга эса шу пулнинг кичик бир қисмини ҳам беришни исташмайди.

Ҳозир камаримдан воз кечиб, ярим оғир вазнга ўтиб, шартномани иложи борича тез тугатиш, кейин эса Жейк Пол билан жанг қилиб, ўша йигитлар каби пул ишлаш ғояси жуда катта васвасага соляпти", — деб ёзди Шон.