«Ан‑Наср» жиддий муаммога дуч келди

Саудия Арабистонининг «Ан‑Наср» клуби жиддий молиявий қийинчиликка дуч келди. Клуб қарзи 200 миллион доллардан ошиб кетгани хабар қилинмоқда. Шунинг учун тегишли органлар жамоага янги футболчи ёки мураббийларни рўйхатдан ўтказишни вақтинча тақиқлади.

Янги шартномаларга рухсат фақат клуб ўз даромадлари ва спонсорлик тушумлари ҳисобига молиявий барқарорликни тиклагандан кейингина берилади. Бу ҳақда Arriyadiyah нашри ёзмоқда.

Вазиятни барқарорлаштириш мақсадида клубга эгалик қилувчи Саудия Арабистонининг Давлат инвестиция жамғармаси бир қатор чораларни жорий этди: Раҳбариятнинг айрим молиявий ваколатлари чекланди, клуб фаолиятини таҳлил қилиш учун мустақил маслаҳатчилар жалб этилди.

Инқироздан чиқишнинг эҳтимолий йўлларидан бири сифатида клуб улушини сотиш варианти кўриб чиқилмоқда. Аллақачон активларнинг бир қисмини сотиб олиш бўйича икки жиддий таклиф келиб тушган. Шу билан бирга, ҳозирги эгалар клубдан бутунлай воз кечишни истамаяпти, улар фақат маълум улушни сотишга мойил экани қайд этилмоқда.