Ана холос! "Реал" ашаддий рақиб "Барса" юлдузини олмоқчи

«Реал» раҳбарияти «Барселона» ва Испания терма жамоаси вингери Ферран Торреснинг атрофидаги вазиятни диққат билан кузатиб бормоқда.

L’Equipe нашри маълумотича, мадридликлар футболчига биринчи марта анча олдин - у ҳали «Валенсия» таркибида ўйнаган пайтларданоқ қизиқиш билдирган. Аммо ўша вақтда Ферран Пеп Гвардиола қўл остида ишлаш истаги билан «Манчестер Сити»ни танлаган эди.

Манбаларга кўра, шартномаси 2027 йил ёзигача амал қиладиган Торрес «Барселона» томонидан битимни узайтириш бўйича жиддий қизиқиш сезмаяпти. Айтилишича, у ярим йилдан ортиқ вақт мобайнида спорт директори Деку билан умуман мулоқот қилмаган.

Ферранга бўлган талаб жаҳон чемпионатигачаёқ ошган: қатор етакчи клублар, жумладан ПСЖ, уни ўз сафига қўшиб олиш истагини билдирган. Шунга қарамай, парижликлар ҳалигача «Барселона»га расмий таклиф йўлламаган, чунки улар трансфер бозоридаги бошқа номзодларни ҳам кўриб чиқмоқда.

Хабарларга кўра, каталонияликлар Торресни тахминан 50 миллион евро атрофида баҳоламоқда. Шу билан бирга, клуб футболчи билан амалдаги шартномани узайтириш имкониятини ҳам очиқ қолдирган.

Эслатиб ўтамиз, 2026 йилги жаҳон чемпионати финалида Испания – Аргентина учрашувида (1:0) Ферран Торрес 106-дақиқада ягона ва ғалабали гол муаллифи бўлган эди.