Анчелотти: Гвардиола жонга тегди!

“Реал” Европа Чемпионлар лигаси плей-офф босқичи жавоб учрашувида “МанчестерСити”ни қабул қилади.

Манчестердаги дастлабки учрашувда мадридликлар 3:2 ҳисобида ғалаба қозонган бўлса-да, кейинги босқич масаласи бўлажак ўйинда ҳал этилади.

“Реал” бош мураббийи Карло Анчелотти ҳал қилувчи тўқнашувдан олдин рақиб бош мураббийи Хосеп Гвардиола ҳақида фикр билдирди.

- Қаршимда Гвардиолани кўришдан чарчадим. Мен ҳамон уни фантастик мураббий, деб ҳисоблайман, лекин унга қарши ўйнаш жонга тегди. Шунга қарамай, ишини кузатиш анча ёқимли жараён, - деди Карло Анчеллотти.