Анри: «Баракалла, Моуриньо!»
Тьерри Анри «эль-класико»даги 2:1 ҳисобидан сўнг Жозе Моуриньони тан олди ва унинг юқори даражада ишлашини исботлаганини айтди.
«Барселона»нинг собиқ ҳужумчиси Тьерри Анри сўнгги интервьюсида «Эль-класико» ҳақида фикр билдириб, Жозе Моуриньюни мақтади. У португалиялик мутахассис мураббийлик қобилиятига нисбатан билдирилган шубҳаларга амалда жавоб қайтара олганини таъкидлади. Моуринью бошқараётган «Реал» «Барселона»ни 2:1 ҳисобида мағлуб этди.
«Баракалла, Моуринью! Кўпчилик унинг ҳали ҳам муваффақиятга эриша олишига шубҳа қилганди, аммо у бунинг уддасидан чиқишини исботлади. Улар мағлубиятга учрамасликлари кераклигини яхши тушунишган. Чунки тўплар нисбатидаги бундай фарқ билан тўққиз очколик камомадни қоплаш жуда қийин бўларди», — дея Анрининг сўзларини Betway Insider келтиради.
Испания чемпионати турнир жадвалида «Барселона» 27 очко билан пешқадамлик қилмоқда. «Атлетико» 25 очко билан иккинчи, «Реал» эса 24 очко билан учинчи ўринда бормоқда.
Изоҳлар (0)