Аргентинада ҳам катта йўқатиш

Аргентина терма жамоаси ҳимоячиси Гонсало Монтьель мушакдаги жароҳати сабабли жаҳон чемпионати гуруҳ босқичи 2-турида Австрияга қарши ўйинни ўтказиб юбориши маълум қилинди. Журналист Гастон Эдулнинг ижтимоий тармоқларда хабар беришича, футболчида тизза ортидаги боғламларда ортиқча зўриқиш аниқланган. Мутахассислар Монтьелнинг яқинлашиб келаётган ўйингача тўлиқ тикланишига умид қилишмаяпти.

Шу билан бирга, 28 июнда Иорданияга қарши 3-тур баҳсида ҳам ҳимоячининг майдонга тушиши ҳали номаълум. Терма жамоа штаби унинг аҳволи яхшиланса, чекланган дақиқаларда ўйинга қўшиш имкониятини кўриб чиқмоқда. Бироқ мураббийлар орасида янада эҳтиёткор ёндашув – футболчини плей-офф босқичигача тўлиқ соғайишини кутган ҳолда асраб қолиш варианти ҳам муҳокама қилинмоқда.

Эслатиб ўтамиз, гуруҳ босқичининг илк учрашувида Аргентина амалдаги жаҳон чемпиони сифатида Алжир устидан ғалаба қозонган, бу ўйинда ҳужумчи Лионель Месси хет-трик қайд этган эди. Жаҳон чемпионати–2026 мусобақаси 11 июндан 19 июлга қадар АҚШ, Канада ва Мексика ҳудудларида ўтказилмоқда.