Аргентинада Мессининг 10-рақамини оладиган футболчи танланяпти

Лионель Месси терма жамоадаги фаолиятини якунлади. Энди эса футбол жамоатчилигини бир савол ўйлантирмоқда: «альбиселесте» таркибида афсонавий ҳужумчига тегишли бўлган 10-рақамни ким кийиши мумкин?

The Touchline нашри Аргентинадаги ESPN филиалига таяниб хабар беришича, миллий жамоа мураббийлар штаби Мессидан кейинги «ўнинчи» учун икки номзодни кўриб чиқмоқда.

Манбага кўра, Аргентина терма жамоасида 10-рақамни Нико Пас ёки Лаутаро Мартинес қабул қилиб олиши эҳтимолдан холи эмас.

Ноябрь ойида Аргентина терма жамоаси Уругвай ва Коста-Рикага қарши ўртоқлик учрашувларини ўтказиши режалаштирилган. Лионель Месси эса «альбиселесте» сафидаги сўнгги ўйинини октябрь ойида ўтказган эди.

Эслатиб ўтамиз, ёзда Аргентина терма жамоаси жаҳон чемпионати финалида Испанияга мағлуб бўлганди.