"Арсенал" Дьёкерешдан воз кечишга тайёр

«Арсенал» клуби Виктор Дьёкереш билан хайрлашишга тайёр, аммо бу фақат битта шарт бажарилган тақдирда амалга ошади.

TEAMtalk нашрининг ёзишича, лондонликлар швед ҳужумчисини фақат янги юлдуз форвард топилгандан кейингина қўйиб юборишни режалаштирмоқда. «Арсенал» учун энг мақбул номзод сифатида ҳозирча «Атлетико» ҳужумчиси Хулиан Альварес кўрилмоқда, бироқ у ўз фаолиятини «Барселона»да давом эттиришни истаяпти.

Манба маълумотига кўра, «Арсенал» шунингдек «Ал-Аҳли» форварди Айвен Тонини ҳам эҳтимолий трансфер сифатида кўриб чиқмоқда. Шу билан бирга, Тони Дьёкерешга алмашинув варианти сифатида кўрилаётгани, у Кай Хаверцнинг асосий таркибдаги ўрнини эгалламаслиги алоҳида таъкидланган.

Янги мавсумда 28 ёшли Дьёкереш ҳозирча икки ўйинда майдонга тушди, аммо гол ёки голли пас билан ажралиб тура олмади.