"Арсенал"дан норози Дьёкереш кетадиган бўлди

Инглиз нашри Caught Offside хабарига кўра, "Арсенал" клуби ҳужумчиси Виктор Дьёкереш жамоадаги ҳозирги мақомидан мамнун эмас. 

Швециялик футболчининг вакиллари аллақачон унинг келажагини бир қатор грандлар – "Милан", "Ювентус", шунингдек Саудия Арабистонининг "Ал-Аҳли" ва "Ал-Иттиҳод" клублари билан муҳокама қила бошлаган.

Шу билан бирга, "Арсенал" раҳбарияти ҳозирча ҳужумчини сотишни асосий мақсад сифатида қўймаётгани айтилмоқда. Бироқ қишки трансфер ойнасидан жамоага яна бир янги форвард қўшилиши эҳтимоли бор, бу эса Дьёкерешнинг ўйин амалиётига янада таъсир қилиши мумкин.

Дьёкереш жорий мавсумда ҳали гол урмаган ва голли пас ҳам бермаган. У барча мусобақалар доирасида бешта ўйинда майдонга тушган. Футболчининг "Арсенал" билан амалдаги шартномаси 2030 йил ёзигача мўлжалланган. Мутахассислар унинг трансфер қийматини тахминан 65 миллион евро атрофида баҳоламоқда.