"Арсенал" Нико Пасни сотиб олмоқчи
Бу ўйинчининг харидори кўп
«Реал» тарбияланувчиси ҳозир «Комо» шарафини ҳимоя қилмоқда. Лондоннинг «Арсенал» клуби 22 ёшли аргентиналик ҳужумкор яримҳимоячи Нико Пасни 2027 йилда «Комо»дан олиб келиш вариантларини кўриб чиқмоқда.
Бу ҳақда Bernabéu Digital нашри хабар берди.
Бироқ бу трансферни амалга ошириш осон бўлмаслиги айтилмоқда. Сабаби, Мадриднинг «Реал» клуби футболчини қайта сотиб олиш ҳуқуқини сақлаб қолган. Испания гранди шартномада белгиланган бандга кўра, Пасни 80 миллион евро эвазига ўз сафига қайтариб олиш имкониятига эга. Шу боис, «Арсенал»нинг ҳар қандай таклифи «Реал» режаларига боғлиқ бўлиб қолади.
Нико Пас 2024 йилдан буён «Комо» таркибида тўп сурмоқда. У ўтган мавсумда жамоа билан бирга катта ютуққа эришди — клуб Серия А чемпионатида тўртинчи ўринни эгаллаб, келаси мавсум учун Чемпионлар лигаси йўлланмасига эга бўлди.
Изоҳлар (0)