"Арсенал": Пулинг етса, Дьёкерешни ол!

«Милан» жамоаси раҳбарияти Лондоннинг «Арсенал» клуби ҳужумчиси Виктор Дьёкерешни ўз сафига қўшиб олиш имкониятини ўрганмоқда. Бу ҳақда журналист Карло Пеллегатти хабар берди.

Маълумотларга кўра, «Арсенал» раҳбарияти швед форвардини ижарага бериш вариантини кўриб чиқмаяпти. Лондон клуби фақат тўлиқ трансферга рози бўлиши мумкин ва Дьёкереш учун тахминан 70 миллион евро атрофида таклиф келиб тушса, уни муҳокама қилишга тайёр.

Виктор Дьёкерешнинг «Арсенал» билан амалдаги шартномаси 2030 йил ёзигача мўлжалланган. У Лондон клубига Португалиянинг «Спортинг» жамоасидан ўтган эди. Яқинда футболчининг агенти агар Микель Артета тажрибали форвардга етарлича имкон бермаса, Виктор бошқа вариантларни кўриб чиқишини таъкидлаганди.