«Арсенал» қишда Дьёкерешни сотиши мумкин
«Арсенал» захирасида қолиб кетаётган Виктор Дьёкереш қишда «Ювентус», «Милан» ёки Саудия клубларига сотилиши мумкин
Швеция терма жамоаси ҳужумчиси Виктор Дьёкереш қишки трансферлар ойнасида Лондоннинг «Арсенал» клубини тарк этиши мумкин.
Caught Offside нашри хабарига кўра, 28 ёшли форвард Микель Артета жамоасида захирада қолиб кетаётганидан мамнун эмас. Шу боис унинг агентлари аллақачон Италиянинг «Ювентус» ва «Милан» клублари, шунингдек Саудия Арабистонининг «Ал-Иттиҳод» ва «Ал-Аҳли» жамоалари билан дастлабки музокараларни бошлаб юборган.
«Арсенал» раҳбарияти ҳозирча Дьёкерешни сотиш шарт, деган фикрда эмас. Клубда ундан мавсум давомида фойдаланиш режаси бор. Бироқ қишда «канонирлар» янги ҳужумчи олишга эришса, швед футболчисини сотиш бўйича таклифлар кўриб чиқилиши мумкин.
Эслатиб ўтамиз, ўтган йили лондонликлар Дьёкереш трансфери учун Лиссабоннинг «Спортинг» клубига 55 миллион фунт тўлаган эди.
Изоҳлар (0)