"Арсенал" Винисиусдан умидини узди

Лондоннинг «Арсенал» жамоаси «Реал» юлдузи Винисиус Жуниорни олиш режасини кун тартибидан чиқарди. OkDiario нашрининг ёзишича, клуб бир нечта омиллар туфайли бразилиялик ҳужумчини трансфер қилиш вариантидан воз кечган.

Манбага кўра, аввало, «Арсенал» раҳбарияти Винисиуснинг ўзи «Реал»да қолишни исташини яхши тушунади. Лондон клуби футболчининг Мадрид жамоаси билан янги, яхшиланган шартнома юзасидан музокараларида фақат воситага айланишни хоҳламайди.

Иккинчидан, «канонирлар» Винисиус трансфери молиявий жиҳатдан жуда оғир тушишини англаб етган. Ҳам трансфер нархи, ҳам футболчининг маошига доир талаблар клуб бюджети учун катта юк бўлиши мумкинлиги таъкидланмоқда.

Шу билан бирга, хабарда қайд этилишича, «Реал» бош мураббийи Жозе Моуриньо Винисиус Жуниорни ўз лойиҳасидаги энг муҳим фигуралардан бири деб ҳисоблайди ва унинг жамоани тарк этишини истамайди.