"Арсенал" Винисиусдан умидини узгани йўқ

AS нашри саҳифаларида «Реал» ҳужумчиси Винисиус Жуниор ҳақида мақола эълон қилинди. Яқин кунлар ичида бразилиялик футболчи ўз келажаги бўйича қарор қабул қилиши кутилмоқда. 

Чоршанба куни Вини агентлари билан бирга мадридликлар базасига етиб келди. Шу куни унинг шартномасини узайтириш бўйича ҳал қилувчи музокаралар бошлангани таъкидланмоқда.

Шу билан бирга, «Арсенал» кийиниш хонасида Винисиусни кутаётганлар бор. Лондон клуби футболчининг трансфери реал имконият деб баҳоламоқда.

«Канонирлар» бразилияликни қўлга киритиш учун барча чораларни кўришга тайёр, клуб раҳбарияти эса футболчиларга битим амалга ошиш эҳтимоли жуда юқори эканини маълум қилган.

«Реал» ҳозирча Винисиуснинг аниқ режаларини билиб олишни истамоқда. Шу билан бирга, мадридликлар «Арсенал»нинг бразилияликка бўлган қизиқиши жиддий эканини, бу фақат босим ўтказиш ёки савдолашиш учун қилинган қадам эмаслигини яхши тушуниб турибди.