Баҳодир Жалолов муддатдан аввал ғалаба қозонди

Айни пайтда Англиянинг Манчестер шаҳрида профессионал бокс оқшоми бўлиб ўтмоқда.

Эътиборлиси, ушбу кечада ҳамюртимиз Баҳодир Жалолов ҳам иштирок этиб, хорватиялик Агрон Смакичига қарши рингга кўтарилди. Ҳар икки боксчи ҳам зарбалар алмашинуви билан 7 раунд ҳаракат қилди. Бироқ 7 раунддан сўнг рақиб жангни давом эттира олмаслиги маълум бўлди ва ғалаба юртдошимизга берилди!

Мазкур ғалаба Жалолов учун проф боксдаги ўн еттинчиси эди.