"Барса" Френки де Йонгга нарх белгилади

«Барселона» нидерландиялик ярим ҳимоячи Френки де Йонгни қанча миқдорга сотишга тайёр экани маълум бўлди.

El Nacional нашри хабарига кўра, каталонияликлар де Йонг трансфер қийматини 65 миллион евро атрофида белгилаган. Бу қарор жамоа бош мураббийи Ханс-Дитер Флик футболчи билан хайрлашиш эҳтимолини инкор этмаганидан сўнг шакллангани айтилмоқда.

Эслатиб ўтамиз, Флик аввалроқ де Йонгдан капитанлик повязкасини ҳам олиб қўйган эди. Ишончли манбаларга кўра, немис мутахассиси футболчининг ҳаракатидан мамнун қолмаган: де Йонг жароҳати борлигига қарамай, 2026 йилги жаҳон чемпионати мусобақасида иштирок этган ва натижада жароҳатини янада оғирлаштириб, узоқ муддатга сафдан чиққани айтилмоқда.

23 август куни «Барселона» Испания чемпионатининг янги мавсумидаги илк учрашувини ўтказади. Каталония клуби ўз майдонида «Эльче» жамоасини қабул қилади.